Bakit ako namimili sa Puregold?

Masayang Araw, Ka-Asenso! Ito ang madalas kong naririnig na binabanggit kapag namimili ako sa Puregold. May kasama pa itong jingle or kanta na kapag narinig mo ay alam mo na ito ay mula sa Puregold. Madalas ko din marining ang "Sa Puregold, Always Panalo", kapag nanunuod ako sa "One for All, All for One" ng Eat Bulaga na nilalagyan pa ng tono. Panalo dahil mura ang bilihin, laging bago at laging may mga promo. Focus lang tayo sa Sari-Sari Store bes.

Mura nga ba ang mga Paninda nila?

Sa pangalang Puregold palang eh mukhang mamahalin na, dagdag mo pa yung mismong grocery niya na para kang nasa SM. Hindi mo masasabing mura ang paninda ng isang pamilihan kung wala kang pagkukumparahang iba. Dahil medyo malapit lang ang Puregold sa amin ay sinali ko siya sa aking listahan. Dito na papasok ang pagka-canvass o paghahanap ng mga wholesaler na pinakamalapit sayo. Mas mura at mas malapit, mas ok. Sa experience ko ng paghahambing ko, hindi lahat ng mga presyo ay pareho at mura. May mura sa ibang wholesaler na mahal at tamang presyo lang sa Puregold at meron namang mahal sa Puregold pero mura sa ibang wholesaler. Kaya mainam na mayroon kang listahan ng mga bibilhin mo para may mapagkumparahan ka. Pwedeng sa una, sa isang wholesaler ka muna bumili tapos tandaan mo or isulat mo yung price para may gagamitin kang basehan. So para sagutin ang tanong ko ay hindi lahat ng paninda sa Puregold, gaya nalang ng Boy Bawang, alak at sigarilyo. Kaya yung mga mahal sa Puregold eh sa iba ko binibili. Depende rin sa dami ng bibilhin ko. Kung mas marami naman yung bibilhin kong mura sa Puregold eh doon na lang ako namimili tapos yung mefyo mahal ay nililimitahan ko lang ang bilang.

Lagi ba talagang Bago?

Mahalaga ang expiry date lalo na at pagkain ang pangunahing itinitinda sa sari-sari store. So far naman sa mga pinagpilian kong mga pamilihan ay hindi naman ako naka-encounter ng expired. Ang kagandahan lang sa mga grocery type na katulad ng Puregold, makakapamili ako mismo ng item na bibilhin ko. Mas mapipili ko yung may pinakamatagal na expiry. Maganda pa ang pagkakalatag at ayos nila ng mga produkto. Sa wholesaler na iba kasi kung ano nalang ang makuha nila tapos isasalampak nalang sa sahig. ( Ito po ay base sa experience ko ) Iyong iba naman hindi mo mamamalayan may mga snacks na ibibigay sayo na walang hangin. Importante ito sa akin lalo na yung karamihan ng nabili sa akin ay maarte pagdating sa ganyang bagay. Hindi ko rin naman masisi kasi kahit ako man ayaw ko ng walang hangin dahil pwedeng may butas iyon tapos makunat na yung loob. Doon pa lang lugi ka na, ok lang kung mapapalitan yun nga lang hassle pa. Pansin ko lang din na halos nakukumpleto ko ang tindahan namin ng ibat-ibang item kapag sa Puregold ako namimili. Mas marami kasing pagpipilian doon at may mga bagong paninda din na hindi ko nabibili sa iba. Mainam din kasi na may dinadagdag ka rin na bago sa tindahan mo para hindi naman boring na iyon at iyon lang din, pero siyempre kapag swak sa budget.

Always ba talagang may Promo?

Kung sa Promos lang naman ang pag-uusapan ay talagang hindi magpapahuli ang Puregold. Mapa Buy 1 Take 1, discounts at freebies panalo talaga. Dapat lang din na sigurista ka na Free or may Free yung item. Minsan kasi sa pagmamadali mo or di masyadong natingnan ng maigi, hindi pala siya Free. Sa dami ng mga freebies na nakuha ko kanila ay halos makupleto na ng Puregold ang gamit ko sa kusina. Yung iba pinamimigay ko rin sa mga suki ko bilang Pamasko tulad ng plato, payong at damit. Katulad na lamang ng na free kong cute notepad set na nasa images, pwede ko siyang magamit sa mga importanteng dapat ilista ( gaya ng utang haha ). Ang nakakatuwa ay nakaorganize pa.

Nakakalungkot nga lang na madalas nauubos agad yung mga may promo nilang item dahil patok na patok siya. Kaya dapat lagi kang updated sa mga promos nila sa kanilang fb page. Dahil sa mga pa-promo ngang ito ng Puregold lalo akong naakit sa kanila mamili at nagpa-member sa kanilang Tindahan ni Aling Puring. Sa madalas kong pamimili ay nakakaipon ako ng points na pwede kong gamiting pambayad o kaya ay >> Pambili ng Globe Retailer load << ( gamit ko na siyang pang-personal sa ngayon ). Sa lahat yata ng benepisyo ng pamimili ko sa Puregold ay itong huli ang pinaka-pinusuan ko, ang >> Nakapamili ako sa Puregold gamit ang Puhunan Plus! << Oo bes nagpapautang sila ng pamuhunan mong paninda, wala ng credit card pang kailangan, at wala sa ibang pinamimilihan ko.

Ito ang mga dahilan kung bakit ako sa kanila namimili. Hindi ko naman ibig ipabatid na dito karin mamili. Ito ay base sa aking karanasan at ibinabahagi ko lang. Sa huli ay ikaw parin naman ang magpapasya dahil ikaw ang nakakaalam ng pangangailan ng iyong tindahan at mga customer. At katulad ng image na nasa itaas, dapat "Happy Lang!"

Godbless!